В настоящее время на Афоне хранится огромное количество славянских рукописей и различных списков с них. Древние славянские притчи мы приводим по малоизвестному древнерусскому памятнику "Повесть о семи мудрецах" Высказывание о жизни
(Публикуется впервые)
Бысть некий король, имея в государьстве своем лес, в том же лесе живяше дивый вепрь по всяким местам хождаше и поядаше людей. Приидоша же ко кралю вси людие государьства его молящеся с великим воплем, да избавит их от насилиа вепрева. Король же посла многих рыцарей на того вепра и повеле его убить. Вепрь же рыцарей всех поби.
По сем король в недоумение впаде. Имеяше же король той дщерь велми прекрасну едину, и повеле кличь кликати по всем градам государства своего:
Иже кто убиет вепря того, и дам за него едину дщерь?
Слышав же то пастух, иже скоты пасяше, за поясом нося у себе секиру. И узре его вепрь той и напусти на него, пастух же утече на великое древо виноградное. Вепрь же нача подъядати древо, иде же бе пастух.
Пастырь же нача ягоды рвати и ветви с ягодами ломати и вепру метати на землю, вепрь же на ягоды нападе и начат их ясти, пастырь же болши ему нача придавати.
И наядеся вепрь ягод до великия сытости и ляже под тем древом спати. Пастырь же, узре спяща вепра, и нача клонитися над его, единою рукою за древо держася, а другою рукою нача его чесати, и узна его крепко спяща. И, взем топор, уби его до смерьти.
Король же даде за него дщерь свою, последи же ста на кралевстве (т.е. править - Высказывание о жизни)...
Слыши убо цесарю, еже ти глаголю: великие люди не возмогоша стояти противо вепря, а пастух уби его то знамение твоего злодея, еже над тобою мудростию умышляет, а смокви, их же меташе к вепрю проклятых его мудрецев, еже умолвят тя прелестными словесы и чесание вепря пастуха того прилежно сотворят, еже сын твой с мудрецы лживыми словесы уловят и хощет убити тя, а сам хощет на твоем престоле седети и государьствовати.